Hayot Bank ва Keeping дастури интеграцияси муваффақиятли амалга оширилди

Эндиликда Hayot Bank мижозлари ўз банк айланмаларини қўлда киритмасдан, бевосита Keeping платформаси орқали олишлари мумкин.

Keeping банк тизимлари билан бевосита интеграцияларни кенгайтириш йўналишида яна бир муҳим қадамни амалга оширди — Hayot Bank билан тўлиқ интеграция муваффақиятли якунланди. Бу ечим бухгалтерлар ва тадбиркорларнинг банк маълумотлари билан ишлаш жараёнини соддалаштиришга қаратилган.

Интеграция нима беради?

Оддий қилиб айтганда, Hayot Bank'даги ҳисоб рақамингиз бўйича барча кирим ва чиқим операциялари энди Keeping платформасига автоматик тарзда узатилади. Бухгалтерга банк иловасига алоҳида кириб, выписка юклаб олиш ва уни қўлда тизимга киритиш шарт бўлмайди — барча айланма маълумотлари бевосита платформанинг ўзида кўринади.

Яқин кунларда яна қандай имкониятлар қўшилади?

Keeping жамоаси бу билан чекланиб қолмасдан, Hayot Bank билан ҳамкорликни янада чуқурлаштиришни режалаштирмоқда. Тез орада тизимнинг ўзида қуйидаги функциялар ҳам жорий этилади — бунда фойдаланувчи турли хизматлар орасида ўтишга ҳожат қолмайди:

• картотека ҳақидаги маълумотларни олиш;
• ведомость юбориш;
• тўлов топшириқномаларини расмийлаштириш.

Бу нега мижозлар учун фойдали?

Банк маълумотларини қўлда кўчириб ёзиш — вақт талаб қиладиган ва хатоликка мойил жараён. Ушбу интеграция орқали:

• Вақт тежалади — бухгалтер банк айланмасини қўлда киритишга вақт сарфламайди.
• Хатоликлар камаяди — маълумотлар автоматик узатилгани учун инсон омили билан боғлиқ хатоликлар деярли йўқолади.
• Барча жараён битта жойда — Hayot Bank мижозлари молиявий операцияларини бошқариш учун бир нечта илова ўртасида ўтиб юришлари шарт эмас.

Хулоса

Keeping ўз фойдаланувчилари учун янада қулайроқ имкониятлар яратишда давом этмоқда. Агар сиз Hayot Bank мижози бўлсангиз, молиявий жараёнларингизни Keeping платформаси орқали назорат қилишни ҳозироқ бошлашингиз мумкин.

Янги қўшилган имконият бўйича фикрингиз бўлса, изоҳларда қолдиринг — Keeping платформасини ҳозироқ бепул синаб кўринг.